Bai Fasi Pas ku Bu Ermon Purmeru — Di Kal Manera?

Imaẑina ki bu sta na vivi na Galileia na tempu di Jesus. Bu bai Jerusalen pa komemora Festival di Barakas. Sidadi sta ŝeiu adoraduris ku visitantis ku bin di lunju. Bu misti da un oferta pa Jeova. Ku un kabra macu na mon, bu pega kamiñu, ruas sta ŝeiu di jintis ku na bai pa templu. Oca ku bu ciga, templu staba ŝeiu di jintis ku bin tambi fasi sakrifisius. Finalmenti, i ciga bu ora di ntrega saserdotis kabra. Na ki ora bu lembra kuma bu ermon, ku pudi sta na kualker parti entri multidons o na sidadi, tene un kusa kontra bo. Jesus splika ke ku bu dibi di fasi. (Lei Mateus 5:24.) Kuma ku abo ku bu ermon ku yarau, bo pudi mpeña pa pas suma ku Jesus fala? Marka resposta sertu, na kada un di lista ku sta bas.

BU DIBI DI . . .

• papia ku bu ermon so si kontra bu pensa kuma i tene rason di fika mal.

• tenta kuriẑi bu ermon si kontra bu pensa kuma i sensivel dimas o el i kulpadu pa purblema.

• obi ku pasiensia ora ku bu ermon na papia, i mesmu si talves bu ka ntidindi tudu, pidi diskulpa ku sinseridadi pa manera ki fika mal o pa konsekuensia di bu asons.

BU ERMON DIBI DI . . .

• buska apoiu di utrus na kongregason atraves di konta elis kuma bu yaral.

• jusia ku bo, kontau tudu ditalis di bu eru, i iziẑiu pa bu seta bu kulpa.

• rukuñisi umildadi ku koraẑen ki pirsis pa bu bai papia ku el, i purdau di tudu korson.

Apesar di kuma no adorason aos ka nklui sakrifisiu di limarias, ke ki Jesus staba na nsina aserka di ligason ku ten entri pas ku no irmons ku adorason ku Deus ta seta?