“Rispita bu pape ku bu mame”

Oca Jesus staba na Tera, i distaka es mandamentu: “Rispita bu pape ku bu mame”. (Sai 20:12; Mat 15:4) Na bardadi Jesus teneba frankesa pa papia di es asuntu pabia i “kontinua na obdisi” si papes ocalba joven. (Luk 2:51) Oca i garandi, i sertifika pa si mame kuidadu del dipus di si mortu. — Jon 19:26, 27.

Na no tempu tambi, jovens kriston ku ta obdisi se papes ta papia diritu ku elis pa mostra rispitu. Na bardadi, mandamentu di rispita no papes i ka tene idadi limiti. Mesmu si no papes beju, no dibi di kontinua rispita elis i benefisia di se jiresa. (Dit 23:22) No ta mostra tambi kuma no rispita no papes ku beju atraves di kuida di elis na sintidu emosional i finanseru di akordu ku nesesidadi. (1 Tim 5:8) I ka mporta si no sedu joven o garandi, manti un bon kumunikason ku no papes i un manera importanti di mostra kuma no rispita elis.

JUBI ANIMASON DI KUADRU BRANKU COMO POSSO CONVERSAR COM OS MEUS PAIS?, I DIPUS RUSPUNDI ES PURGUNTAS:

• Pabia ku bu oja kuma i difisil papia ku bu papes?

• Kuma ku bu pudi rispita bu papes ora ku bu na papia ku elis.

  

• Pabia ki bali pena sforsa pa papia ku bu papes? (Dit 15:22)