No Minjoria no Abilidadi na Pregason — Fasi Bon Purguntas

PABIA KI IMPORTANTI: Si “pensamentu di omi i suma yagu na fonti fundu,” nta purguntas i suma baldu pa tira ki yagu. (Dit 20:5) Purguntas ta juda pa kilis ku na obinu partisipa na kombersa. Manga di bias, respostas pa purguntas ku fasidu diritu ta pirmitinu sibi ke ku algin ta pensa aserka di asuntu. Jesus ta fasiba bon purguntas. Kuma ku no pudi kopia si izemplu?

KUMA KU NO PUDI FASIL:

• Fasi purguntas di pontu di vista. Jesus fasiba manga di purguntas pa sibi kal ki pontu di vista di si disipulus. (Mat 16:13-16; be 238 §§ 3-5) Kal purguntas di pontu di vista ku bu pudi fasi?

• Fasi purguntas ku tene opsons di resposta. Pa kuriẑi manera di pensa di Pedru, Jesus fasi purguntas, i da tambi opsons di resposta ku juda Pedru ciga un konkluson sertu. (Mat 17:24-26) Kal purguntas ku tene opsons di resposta ku bu pudi fasi pa juda algin ciga un konkluson sertu?

• Eloẑia kin ku bu na papia kel. Dipus ku pursor di lei “ruspundi ku jiresa”, Jesus eloẑial. (Mar 12:34) Kuma ku bu pudi eloẑia un algin ku ruspundi un purgunta?

JUBI PURMERU PARTI DI VIDEO FASI TARBAJU KU JESUS FASIBA — SINA UTRUS, I DIPUS RUSPUNDI ES PURGUNTAS:

• Pabia ki es i un mau izemplu di nsinu, apesar di informason sedu izatu?

• Pabia ku no dibi di fasi mas di ki so splika un asuntu?

JUBI SUGUNDU PARTI DI VIDEO, I DIPUS RUSPUNDI ES PURGUNTAS:

• Kuma ku irmon fasi bon purguntas?

• Kal utru aspetus di si nsinu ku no pudi kopia?