Papes, bo da bo fijus minjor opurtunidadi pa e sai ben na vida

Papes ku medi Deus ta kontenti oja se fiju torna servus fiel di Jeova. Papes pudi juda se fiju ora ke grava nsinus di Biblia na se korson disna di se mininesa. (Lei 6:7; Dit 22:6) Sera ki i ta iziẑi sakrifisiu di bo parti? Sin duvida! Ma pa risibi rekompensa i bali pena fasi sforsu. — 3 Jon 4.

Papes pudi aprindi ciu di José ku Maria. “Kada anu” José ku Maria “ta baiba Jerusalen pa festival di Paskua”, embora es ta iziẑiba sforsu ku dispeza. (Luk 2:41) Parsi kuma, e ta daba prioridadi pa nesesidadis spiritual di se familia. Di mesmu manera, papes aos pudi gia se fijus ora ke ranja oportunidadi pa nsina elis atraves di palabra ku izemplu. — Sal 127:3-5.

MOSTRA VIDEO E APROVEITA DI TUDU OPURTUNIDADI, I DIPUS RUSPUNDI ES PURGUNTAS:

• Kuma ku Jon ku Sharon Schiller pui interesi di Renu na purmeru lugar oca ke na kria se familia?

• Pabia ku papes dibi di adapta disiplina di akordu ku nesesidadi di kada un di se fiju?

• Kuma ku papes pudi trena se fijus pa e aguenta testis di fe?

• Kal feramentas ku organizason di Jeova da, ku bo usa pa juda bo fijus kirsi spiritualmenti?