Jesus muri tambi pa bu ermon

Jesus sakrifika si vida pa pekaduris mperfeitu. (Rom 5:8) Sin duvida, kada un di nos apresia amor ku Jesus mostra manera ki ntrega si vida pa nos. Ma utru ora, pudi sedu ki no pirsisa di lembranta no kabesa di kuma, Kristu muri tambi pa no ermons. Suma Jesus, kuma ku no pudi mostra amor pa no irmons ku irmas ku sedu mperfeitu suma nos? Jubi tris manera ku no pudi fasi kila. Purmeru, no pudi omenta no grupu di amigus atraves di nklui kilis ku sedu di oriẑen diferenti ku nos. (Rom 15:7; 2 Kor 6:12, 13) Sugundu, no pudi toma kuidadu pa ka fala o fasi kusas ku pudi ofendi utrus. (Rom 14:13-15) Pa fin, si algin peka kontra nos, no pudi fasi rapidu pa purda. (Luk 17:3, 4; 23:34) Si no sforsa pa kopia Jesus nes arias, Jeova na kontinua abensua kongregason ku pas i unidadi.

MOSTRA VIDEO TORNE-SE UMA PESSOA MAIS BONITA! I DIPUS RUSPUNDI ES PURGUNTAS:

• 

  Na kumsada, kuma ki Miki sintiba ku si kongregason?

• 

  Ke ku manda si sintimentus muda?

• 

  Kuma ku izemplu di Jesus juda Miki ajusta si manera di pensa? (Mar 14:38)

• 

  Kuma ku Ditus 19:11 pudi judanu oja no kumpañeris kriston di manera pusitivu?