Benefisia mas di bu studu pesual

PABIA KI IMPORTANTI: Studu pesual di Palabra di Deus ta judanu “ntindi diritu kal ki largura, kumprimentu, altura ku fundura di” bardadi. (Ef 3:18) Tambi i ta judanu kontinua sedu puru, sin kulpa nes mundu mau i kontinua pega palabra di vida. (Fil 2:15, 16) Studu pesual di Palabra di Deus ta pirmitinu kuji materia ku no pirsisa del individualmenti. Kuma ku no pudi pasa mas tempu na lei i studa Biblia?

KUMA KU NO PUDI FASIL:

• Subliña versikulus i toma nota na bu Biblia di studu, na formatu mprimidu o eletroniku.

• Fasi bu kabesa es purguntas ora ku bu na lei Palabra di Deus: ‘Kin? Ke? Kal tempu? Nunde? Pabia? Kuma?’

• Buska provas. Usa feramentas di piskisa ku ten, piskisa asuntu o versikulu di Biblia.

• Medita na ke ki bu lei pa ntindi kuma ku es informason na aplika pa bo.

• Aplika ke ku bu aprindi, na bu vida di kada dia. — Luk 6:47, 48.

JUBI VIDEO “MANTENHA-SE ‘FIRMEMENTE AGARRADO’ — ATRAVÉS DE UM ESTUDO PESSOAL EFICAZ”, I DIPUS RUSPUNDI ES PURGUNTAS:

• Kuma ku alguns diskrivi studu pesual?

• Ke ku manda no dibi di kumsa studu pesual ku orason?

• Ke ku pudi judanu ntindi minjor un pasaẑen di Biblia?

• Kal tipus di kor ku no pudi pui na no Biblia di studu?

• Pabia ku meditason i importanti ora ku no na studa Palabra di Deus?

• Ke ku no dibi di fasi ku ke ku no aprindi?