Dispi naturesa beju, i bisti naturesa nobu

3:5-14

Sera ki bu fasi garandi mudansa na bu naturesa o personalidadi oca ku bin pa bardadi? Bu pudi tene serteza kuma Jeova apresia sforsus ku bu fasi. (Eze 33:11) Pa kila, i pirsis kontinua fasi sforsu pa ka mañas di antigu naturesa kirsi, i kontinua disenvolvi nobu naturesa. Ruspundi es purguntas pa jubi na kal arias ku bu pirsisa di minjoria:

• Sera ki N ta guarda algin na korson?

• Sera ki N ta sedu pasienti mesmu ora ku N paña raiba o ora ku N sta kansadu?

• Si N tene pensamentu imoral, N ta tiral kinti-kinti?

• Sera ki N tene sintimentus negativu pa jintis di utru rasa o nasionalidadi?

• I ka tarda ku N dana algin kombersa o N pirdi pasensa?