Bu sta na benefisia di Examine as Escrituras Diariamente?

Sera ki bu rotina spiritual ta nklui lei testu di Biblia ku komentariu ku sta na Examine as Escrituras Diariamente? Si bu ka ta fasil, sera ki bu pudi nkluil na bu rotina? Manga delis ta konsidera testu parmaña sedu, asin e pudi medita nel nkuantu e na fasi se atividadis di dia. (Jos 1:8; Sal 119:97) Kuma ku bu pudi benefisia mas di testu di Biblia? Lei kontestu di versikulu pa bu pudi ntindil diritu. Tenta pensa na un relatu bibliku ku ta ilustra prinsipiu ku distakadu na testu. Dipus, aplika prinsipiu na bu vida. Ora ku Palabra di Deus afeta bu disisons, i na orienta bu vida tambi i na benefisiau ciu. — Sal 119:105.

Na mundu ntidu familias di Betel ta konsidera Examine as Escrituras Diariamente na ora di matabicu. Na anus resenti, manga di es konsiderasons pudu na JW Broadcasting^® na parti PROGRAMAS E EVENTOS. Kal ki ultimu bias ku bu jubi alguns delis? I pudi sedu ki alguns delis i kil ku na bardadi bu pirsisa del. Pur izemplu, kuma ku relatu di Lo pudi influensia bu disisons?

JUBI VIDEO NÃO AMEM O MUNDO (1 JOÃO 2:15), I DIPUS RUSPUNDI ES PURGUNTAS:

• Na kal prinsipiu di Biblia ki basia es konsiderason di Programa spiritual di parmaña?

• Basiadu na relatu di Lo, kal konkluson ku no pudi ciga aserka di pirigu di ama mundu ku kusas ku sta nel? — Kum 13:12; 14:12; 19:3, 12, 13, 24-26.

• Kuma ku no pudi mostra di kuma no ama Jeova, i no ka ama mundu nin kusas ku sta nel?