RIKESAS DI PALABRA DI DEUS | KUMSADA 32-33

Bu sta na luta pa risibi benson?

32:24-28

Pa risibi benson di Jeova, no dibi di fasi sforsu pa pui na purmeru lugar interesi di Renu na no vida. (1 Kor 9:26, 27) Omi garandi Jakó, mostra ku kal spiritu ku no dibi di kumpri no responsabilidadis kriston. No ta mostra kuma no sta na sforsa pa risibi benson di Jeova atraves di . . .

Purpara diritu pa runions di kongregason.
Partisipa sempri na pregason.
Sforsa pa juda utrus na kongregason.

Imaẑens: Un mame joven okupadu. 1. I na ora antis di kumsa si dia. 2. I na da si fiju di kume antis di bai pregason. 3. I sta kontenti na pregason ku si dus fiju i ku un irma di si kongregason.

Mesmu si bu sta na situason difisil, ora sempri pa Jeova judau i abensua bu sforsu di sirbil.

PUNTA BU KABESA: ‘Na kal arias di ña vida ku N pudi sforsa inda mas pa risibi benson di Jeova?’