“Bo tira deusis strañu”

Jakó sibiba kuma Jeova ta iziẑi pa adoral el so, apesar di ka daba inda lei kontra idolatria. (Sai 20:3-5) E ku manda, oca ku Jeova falal pa riba pa Betel, Jakó fala tudu kilis ku sta ku el pa e tira se idulus. Dipus Jakó tira idulus, nkluindu brinkus, ku talves usadu pa proteẑi kontra mal. (Kum 35:1-4) Sin duvida, Jeova kontentiba ku ke ku Jakó fasi.

Aos tambi, kuma ku no pudi adora so Jeova? Purmeru, i pa ivita di kualker kusa ku sta ligadu ku idolatria o spiritismu. Es inklui tira o bota tudu objetus ku sta ligadu ku spiritismu i jubi diritu ke ku no ta divirti ku el. Pur izemplu, punta bu kabesa: ‘Sera ki N ta divirti ku livrus o filmis ku tene kusas suma vampirus, zumbis o forsa superior di pekadur? Sera ki un di ña divirtimentus ta mostra maẑia, futis o maldison suma un simplis divirtimentu?’ No dibi di lunjusi di kualker kusa ku Jeova odia. — Sal 97:10.

JUBI VIDEO DRAMATIKU “BO FIRMA KONTRA DIABU”, I DIPUS RUSPUNDI ES PURGUNTAS:

• 

  Kal purblema ku studanti di Biblia comadu Palmira tene?

• 

  Pabia ki bon buska ajuda di ansions ora ku kasu sedu spiritismu?

• 

  Kal kusas ku kilis ku misti tene proteson di Jeova dibi di tira o bota?

• Ke ku Palmira disidi fasi?

• Nunde ku bu mora, kal ki alguns manera di ivita di influensia di dimoniu?