Ke ku no pudi aprindi di irmons o irmas ku tene spiriensia?

Na diferentis kongregasons no tene kilis ku sirbi Jeova pa manga di anus. No pudi aprindi di se firmi konfiansa na Jeova. No pudi punta elis aserka di storia di organizason di Jeova i aserka di disafius ke nfrenta i kuma ke vensi elis ku ajuda di Jeova. No pudi te mesmu kumbida elis pa no studu di Biblia na familia i pidi elis pa e kontanu se spiriensia.

Si abo i un irmon o irma ku tene spiriensia, konta jovens bu spiriensia di kuma ku Jeova judau. Jakó ku José konta se spiriensia pa se fijus. (Kum 48:21, 22; 50:24, 25) Mas tardi, Jeova fala ŝefis di familia pa e nsina se fijus aserka di kusas garandi ki fasi. (Lei 4:9, 10; Sal 78:4-7) Na no tempu, papes ku utrus na kongregason pudi konta jorson futuru kusas maravilyosu ku Jeova fasi atraves di si organizason.

JUBI VIDEO MANTER A UNIÃO DEBAIXO DE PROSCRIÇÃO, I DIPUS RUSPUNDI ES PURGUNTAS:

• Kuma ku filial di Austria juda no irmons na alguns teras nunde ku no obra proibidu?

• Kuma ku no irmons ne teras kontinua manti se fe forti?

• Pabia ku manga di publikaduris na Romenia sipara di organizason di Jeova, i kuma ke bin riba?

• Kuma ku es spiriensias fortalisi bu fe?