Ka bu juda na spalia mintida

Aos, informason ta spalia rapidu pa milyons di jinti atraves di jornal, radiu, televison ku internet. Kilis ku ta adora “Deus fiel” ka dibi di spalia informason falsu, mesmu sin misti. (Sal 31:5; Sai 23:1) Spalia mintida pudi tisi purblemas garandi. Si bu misti sibi si un informason i bardadi o nau, fasi bu kabesa es purguntas:

• ‘Sera ki fonti di informason i di konfiansa?’ Talves algin ku sta na konta es informason ka tene tudu provas. Manga di bias, informasons ku pasa di un algin pa utru tene tendensia di muda, pa kila toma kuidadu ora ku bu ka sibi nunde ku informason sai nel. Kilis ku tene privileẑiu na kongregason e ta ojadu suma kilis ku tene informason di konfiansa, pa kila, e dibi di toma mas kuidadu pa ka pasa informason ku ka konfirmadu.

• ‘Sera ki es informason na dana nomi di utru?’ Si i na dana bon nomi di algin o di un grupu di jintis, i minjor pa ka papia del. — Dit 18:8; Fil 4:8.

• ‘Sera ki informason parsi sedu bardadi?’ Toma kuidadu ora ku bu na obi un informason o spiriensia interesanti dimas.

JUBI VIDEO KUIDADU PA KA DANA NOMI DI UTRUS, I DIPUS RUSPUNDI ES PURGUNTAS:

• 

  Di akordu Ditus 12:18, kal mal ku no palabras pudi fasi na algin?

• 

  Kuma ku Filipensis 2:4 pudi judanu tene pontu di vista ekilibradu ora ku no na papia aserka di utrus?

• 

  Ke ku no dibi di fasi ora ku no na papia aserka di un algin, i kombersa dati i vira di manera negativu o dana nomi di ki algin?

• 

  Antis di kumsa papia aserka di utrus, kal purguntas ku no dibi di fasi no kabesa?