Apresia amizadi ku bu tene ku Jeova

Tustumuñas di Jeova tene un privileẑiu spesial. Suma kristons dedikadu i batizadu, no kontinua disenvolvi un bon relason di amizadi ku Soberanu Siñor Jeova. Atraves di si fiju i atrainu pa rel. (Jon 6:44) I ta obi no orason. — Sal 34:15.

Kuma ku no pudi proteẑi no bon relason ku Deus? Un manera i pa ivita tene mau konduta suma israelitas. Puku dipus ke entra na kontratu di amizadi ku Jeova, e kumpu un baka di uru i e kunsa na adora imaẑen. (Sai 32:7, 8; 1 Kor 10:7, 11, 14) No dibi di punta no kabesa: ‘Kuma ku N ta reaẑi ora ku N tentadu? Sera ki ña asons ta mostra kuma N apresia ña relason ku Jeova?’ Amor garandi ku no tene pa no Pape ku sta na seu na judanu libra di kusas ki odia. — Sal 97:10.

JUBI VIDEO PROTEJA A SUA RELAÇÃO COM JEOVÁ (COL. 3:5), I DIPUS RUSPUNDI ES PURGUNTAS:

• Ke ki ganansia?

• Ke ku manda no dibi di nuju ganansia ku idolatria?

• Kal relason ku ten entri adulteriu ku idolatria?

• Kilis ku tene responsabilidadi na kongregason dibi di kuida mas inda di se minjeris. Pabia di ke?