Kualidadis atraenti di Jeova

34:5-7

Moisés apresiaba kualidadis di Jeova, kila ku pui i sedu pasienti ku israelitas. Di mesmu manera, si no kunsi diritu kualidadis di Jeova, no na pudi tambi sedu pasienti ku no irmons.

• “Deus ku ta ten miserikordia, ku ta sinti pena”: Jeova ta kuida di si adoraduris ku amor i ku preokupason garandi, suma ku papes ta fasi ku se fijus.

• “Ku ta tarda pa paña raiba”: Jeova i pasienti ku si servus, i ta purda se erus, i kila ta da elis opurtunidadi di muda.

• “Ku ta mostra garandi amor”: Jeova tene un amor leal pa si servus, i es amor na dura pa sempri.

PUNTA BU KABESA: ‘Kuma ku N pudi kopia miserikordia ku kompaŝon di Jeova?’