RIKESAS DI PALABRA DI DEUS | SAIDA 35-36

Ekipadus pa fasi tarbaju di Jeova

35:25, 26, 30-35; 36:1, 2

Spiritu santu di Jeova ku kapasita Bezaleel ku Aoliabi pa e kuida di ditalis di kuma ki tabernakulu na fasidu. Puder di spiritu santu di Jeova sta disponivel pa si servus aos. Kuma ku no pudi benefisia del?

No pudi ora pa spiritu santu judanu minjoria abilidadis ku no tene na sirvisu di Jeova.
No pirsisa di alimenta ben di Palabra spiradu di Deus.
No dibi di kumpri disignason ku no risibi di tudu no korson.

Imaẑens: Tustumuñas di Jeova sta na kumpri diferentis atividadis teokratikus. 1. Irmas sta na juda na tarbaju di konstruson. 2. Un irmon sta na purpara pa bin diriẑi studu di ‘A Sentinela.’ 3. Un irmon sta na prega un komersianti i si kumpañer sta na jubi pa opusitoris. 4. Un kasal sta na Skola pa Ivanjilizaduris di Renu.

Kal disignason ku Jeova kapasitau pa bu fasi?