Sera ki bu sta dispostu pa prenŝi petison pa Skola pa Ivanjilizaduris di Renu?

Sera ki bu tene entri 23 ku 65 anu, i bu sta na sirvisu di tempu kompletu? Bu tene bon saudi i bu sta dispostu pa sirbi na kualker kau ki ten mas nesesidadi? Si bu resposta i sin, bu pudi pensa na prenŝi petison pa Skola pa Ivanjilizaduris di Renu? Desdi purmeru turma, manga di kasadus, irmons solteru ku irmas solteru kursa es skola. Ma no mas pirsisa di irmons solteru pa kursa skola. Pidi Jeova pa i omenta bu diseẑu di kontental i di kopia si Fiju. (Sal 40:8; Mat 20:28; Eb 10:7) Pensa na manera ku bu pudi rapati bu responsabilidadi sekular o pesual pa pudi kualifika.

Kal porta di sirvisu ku ta yabri pa kilis ku risibi trenamentu teokratiku dipus di skola? Alguns ku bai skola ta disignadu na zonas ke ta papia utru lingua o e ta partisipa na da tustumuñu publiku spesial na sidadis. Mas tardi, utrus ta sirbi suma superintendentis di sirkuitu substitutu, suma superintendentis di sirkuitu o suma misionarius. Nkuantu bu sta na pensa nes forma di sirvisu pa Jeova, bu pudi medita na palabra di profeta Isaias: “Alin li; mandan!” — Isa 6:8.

JUBI VIDEO MISSIONÁRIOS EM CAMPO — TRABALHADORES NA COLHEITA, I DIPUS RUSPUNDI ES PURGUNTAS:

• 

  Kuma ku misionarius ta kujidu?

• 

  Kal bon tarbaju ku misionarius ta fasi?

• 

  Kal ki alguns bensons di sirvisu misionariu?