Proteẑi bu kasamenti

Jeova ta oja votu di kasamenti suma un kusa seriu. I fala kuma omi ku minjer dibi di kontinua juntu. (Mat 19:5, 6) I ten manga di kasamenti filis entri povu di Deus. Na bardadi, nin un kasamenti i ka perfeitu. Purblemas na ten. No ka dibi di tene mesmu manera di pensa suma utrus di kuma siparason ku divorsiu i suluson pa ora ku purblemas ten. Kuma ku kasadus kristons pudi proteẑi se kasamenti?

Pensa nes sinku pasu.

1. Proteẑi bu korson, nega kusas suma flerta o divirti ku kusas imoral, ku pudi nfraksi bu kasamenti. — Mat 5:28; 2 Ped 2:14.

2. Fortalisi bu amizadi ku Deus, i omenta bu diseẑu di kontental na bu kasamenti. — Sal 97:10.

3. Kontinua bisti nobu naturesa o nobu personalidadi, mostra ẑestusiñu di bondadi, ku na torna vida di bu parseru mas fasil. — Kol 3:8-10, 12-14.

4. Manti un bon kumunikason, i ku rispitu. — Kol 4:6.

5. Kumpri ku bu diver ku kariñu i amor. — 1 Kor 7:3, 4; 10:24.

Ora ku kristons rispita kasamenti, e ta mostra rispitu pa kin ku fasi pa kasamenti ten, Jeova.

JUBI VIDEO NO DIBI DI “KURI KU TUDU MPEÑU” — RISPITA REGRA DI KOMPETISON, I DIPUS RUSPUNDI ES PURGUNTAS:

• 

  Apesar di kuma kasamenti pudi kunsa ben, kal disafius ku pudi bin ten?

• 

  Kuma ku prinsipius di Biblia pudi juda kilis ku pensa di kuma amor ka tene na se kasamenti?

• 

  Kal regras ku Jeova pui na kasamenti?

• Pa un kasamenti sai ben, ke ku tudu dus pirsisa di fasi?