Kongresus anual i opurtunidadis di mostra amor

Pabia ku no gosta ciu di no kongresus ku ta fasidu kada anu? Suma na antigu Israel, aos tambi no kongresus ta danu opurtunidadi di adora Jeova juntu ku sentenas di no kumpañeris na fe, te mesmu milyons delis. No ta kontenti di kume bon alimentu spiritual. Tambi no ta apresia ciu tempu ku no ta pasa ku no amigus ku familia. No profundu apresu ta motivanu mati tudu tris dia di kongresu.

Ora ku no tene opurtunidadi di sta juntu, no ka dibi di pensa so na ke ku no na gaña pesualmenti, ma tambi na kuma ku no pudi mostra amor pa utrus. (Gal 6:10; Eb 10:24, 25) Ora ku no pega porta pa no irmons ku irmas ku na entra o guarda so lugar ku no pirsisa del, no ta mostra kuma no ka ta jubi so pa no interesi. (Fil 2:3, 4) Kongresus ta danu opurtunidadi garandi di fasi novus amigu. Antis i dipus di programa, o ora ku no na kume, no pudi papia ku algin ku no ka kunsi. (2 Kor 6:13) Es amizadis ku no na disenvolvi na ki mumentu pudi dura pa sempri! Alen di kila, ora ku utrus oja es amor na ason, e pudi disidi junta ku nos pa sirbi Jeova. — Jon 13:35.

JUBI VIDEO KONGRESU INTERNASIONAL “AMOR NUNKA I KA TA FALIA”!, I DIPUS RUSPUNDI ES PURGUNTAS:

• 

  Kuma ku irmons mostra amor pa delegadus na kongresus internasional di 2019?

• 

  Pabia ku unidadi ku amor ku ten entri povu di Jeova i di adimira?

• 

  Kal aspetus di amor kriston ku membrus di Korpu Guvernanti distaka?

• 

  Kuma ku amor ku ta uni no irmons mostradu na Almaña ku Korea di Sul?

• Kal ku dibi di sedu no determinason?