Kuji ku jiresa bu amigus

Ke ku akontisi ku israelitas na tera di Moabi i un izemplu di avisu pa nos aos. (1 Kor 10:6, 8, 11) Israelitas ku kumsa asosia ku minjeris moabita ki imoral i ku ta adora idulus, bin nganadu i e kai na pekadu gravi. Es tisi mau rusultadu. (Num 25:9) Na no vida di kada dia, no ta sta ku no kolegas di tarbaju, di skola, no viziñus, familias ku utrus jintis ku no kunsi, ku ka ta adora Jeova. Ke ku no pudi aprindi des relatu di Biblia aserka di tene amizadi intimu ku kilis ku ka ta adora Jeova?

JUBI VIDEO EXEMPLOS DE AVISO PARA OS NOSSOS DIAS — EXCERTO, I DIPUS RUSPUNDI ES PURGUNTAS:

• 

  Kal ideias eradu ku Zinri ku utrus konta Jamin?

• 

  Kuma ku Fineias juda Jamin oja kusas di bon manera?

• Kal ki diferensa entri trata un algin diritu ku sedu si amigu?

• Pabia ku no dibi di toma kuidadu ora ku no na kuji no amigus intimu mesmu dentru di kongregason?

• Pabia ku no dibi di ivita di grupus di kombersas na redi sosial ku jintis ku no ka kunsi pesualmenti?