Tris manera di konfia na Jeova

Davi nfrenta Golias pabia i konfia na Jeova. (1 Sam 17:45) Jeova misti fortifika tudu si servus. (2 Kron 16:9) Kuma ku no pudi konfia na ajuda ku Jeova ta da, en ves di konfia na no spiriensia ku no abilidadis? I ten tris manera:

• Ora sempri. Ka bu ora so pa pidi purdon di bu pekadu ora ku bu yara, ma tambi ora pa tene forsa di nfrenta tentason. (Mat 6:12, 13) Ka bu ora so pa gardisi Jeova manera ki bensua disisons ku bu tomaba, ma tambi ora pa pidi si orientason ku jiresa antis di toma disisons. — Tiagu 1:5.

• Tene abitu di lei Biblia i fasi studu. Ba ta lei Biblia kada dia. (Sal 1:2) Toma tempu pa pensa na isemplus ku sta na Biblia, i aplika ki lisons ku bu aprindi. (Tiagu 1:23-25) Purpara pa pregason, en ves di konfia na spiriensia ku bu tene. Purpara tudu runion di kongregason pa bu pudi benefisia ben delis.

• Tarbaja juntu ku organizason di Jeova. Sta en dia ku orientason ku organizason ta da, i sigi logu ki orientason. (Num 9:17) Sukuta ansions ora ke na da konsiju ku orientasons. — Eb 13:17.

JUBI VIDEO NO KA TENE MOTIVU DI MEDI PIRSIGISON, I DIPUS RUSPUNDI ES PURGUNTAS:

• Kal medu ku no ermons ku irmas nfrenta?

• Ke ku juda elis lida ku se medu?