Kontrola bu diseẑus

Suma umanus imperfeitu, no dibi di luta sempri pa kontrola no diseẑus. Si no fasi ke ki no misti, no pudi pirdi fabur di Jeova. Pur isemplu, alguns ta disa pa amor pa kumida, ropa ku kau di mora sedu mas forti di ki amor ke tene pa Deus. Utrus ta satisfasi se diseẑu seksual di un manera ku sta kontra normas di Deus. (Rom 1:26, 27) Alguns ta disa pa utrus jintis influensia elis na fasi ke ki mau, pabia e misti pa ki jintis gosta delis o pa e seta elis. — Sai 23:2.

Kuma ku no pudi kontrola no diseẑus? No dibi di fasi no minjor pa konsentra na kusas ku ta kontenta Jeova. (Mat 4:4) Tambi, no dibi di pidi Jeova pa i judanu kontrola no diseẑus. Pabia? Pabia i sibi ke ki i minjor pa nos, tambi i sibi kuma ku no pudi satisfasi no bon diseẑus. — Sal 145:16.

JUBI VIDEO KA BU DISA PA FUMA DANA BU VIDA, I DIPUS RUSPUNDI ES PURGUNTAS:

• 

  Ke ku manda alguns jintis ta fuma?

• 

  Ke ku pudi kontisi ku bo si bu ta fuma?

• 

  Ke ku manda fuma ku fuma sigaru eletroniku ka bon? — 2 Kor 7:1.

• 

  Kuma ku bu pudi nega fuma o te mesmu para fuma?