19-25 DI FEVERERU

SALMUS 8-10

Kantiku 2 ku orason | Introduson (1 min.)

RIKESAS DI PALABRA DI DEUS

1. “N na ngabau, SIÑOR”!

(10 min.)

Jeova sedu bon dimas pa nos. (Sal 8:3-6; w21.08-TPO paẑina 3 paragrafu 6)

No ta kontenti ngaba Jeova ora ku no na konta utrus aserka di si tarbajus bunitu dimas. (Sal 9:1; w20.05-TPO paẑina 23 paragrafu 10)

Tambi no ta ngaba Jeova ora ku no na kanta di tudu korson pa rel. (Sal 9:2; w22.04-TPO paẑina 7 paragrafu 13)

Fotos: Maneras ku no pudi ngaba Jeova. 1. Un irma sta na da tustumuñu pa un minjer ku ta kuida di duentis. 2. Ermons ku irmas sta na kanta na un runion. 3. Un mininu yalsa mon pa da kumentariu duranti un runion. 4. Un joven ermon sta na juda na limpesa di Salon di Renu. 5. Un joven irma sta na prega si kolega di turma.

PUNTA BU KABESA: ‘Di kal utru manera ku N pudi ngaba Jeova?’

2. Diskubri joias spiritual

(10 min.)

Sal 8:3 — Ke ku salmista mista fala oca ki na fala di mon o dedu di Deus? (it-1-T paẑina 664)

Bu resposta
Kal joias spiritual ku bu diskubri na leitura di Biblia des semana ku bu misti konta?

Bu resposta

3. Leitura di Biblia

(4 min.) Sal 10:1-18. (th studu 11)

FASI BU MINJOR NA MINISTERIU

4. Kumsa kombersa

(3 min.) KASA PA KASA. Moradur falau di kuma i ka fia si Deus ten. (lmd lison 5 pontu 4)

5. Revisita

(4 min.) TUSTUMUÑU INFORMAL. Na ultimu kombersa, moradur falau di kuma i ka fia si Deus ten, ma i sta dispostu pa izamina provas ku ta mostra di kuma Deus ten. (th studu 7)

6. Diskursu

(5 min.) w21.06-TPO paẑina 6 ku 7 paragrafu 15 te 18 — Tema: Juda bu studantis di Bilbia pa e ngaba Jeova. (th studu 10)

NO VIDA KRISTON

Kantiku 10

7. Kuma di da tustumuñu informal di manera natural

(10 min.) Konsiderason.

Un di manera ku no pudi ngaba mas Jeova, i atraves di da tustumuñu pa kilis ku no ta kontra ku el na no atividadis di kada dia. (Sal 35:28) Na kumsada, no pudi ka sta avontadi pa da tustumuñu informal. Ma, ora ku no aprindi kuma di kumsa kombersa di manera natural, no pudi sai ben i te mesmu gosta di fasil!

Diseñu di video “Sta Pruntu pa Konta ‘Bon Noba di Pas’ — Toma Inisiativa.” Un irma kumsa kombera ku un minjer ku sinta na un mesa pertu delis na un restauranti.

Mostra VIDEO Sta Pruntu pa Konta ‘Bon Noba di Pas’ — Toma Inisiativa. Dipus fasi asistensia es purgunta:

Ke ku bu aprindi nes video ku pudi judau sai mas minjor na da tustumuñu informal?

Bu resposta

Ali alguns ideias ku pudi judau kumsa kombersa:

Kada bias ku bu na sai di kasa, sta atentu ku oportunidadis di kumsa kombersa. Ora aserka di kila, i pidi Jeova pa i judau kontra ku jintis di korson sinseru.
Sedu amigavel i mostra interesi pa jintis ku bu na kontra ku el. Tenta sibi algun kusa aserka di kil algin, ku na pudi judau sibi kal bardadi di Biblia ku talves na interesal.
Buska oportunidadi di troka kontaktu kel si pusivel.
Ka bu fika mal si kontra kombersa kaba antis di bu dal tustumuñu.
Pensa na kil algin dipus di bo kombersa. Kontinua mostra intersi nel atraves di mandal link di un versikulu di Biblia o di un artigu ku sta na jw.org.

Tenta fasi es: Si un algin puntau: ‘Kuma ku bu fin di semana kuri?,’ falal aserka di algun kusa ku bu aprindi na runion o aserka di bu tarbaju di studa Biblia ku jintis.