29 DI ABRIL–5 DI MAIU
SALMUS 34-35
Kantiku 10 ku orason | Introduson (1 min.)
1. “Papia ben di SIÑOR tudu tempu”
(10 min.)
Davi ngaba Jeova te mesmu oca ki na pasa difikuldadis. (Sal 34:1; w07-T 1/3 paẑina 22 paragrafu 11)
Davi njata na Jeova en ves di si kabesa. (Sal 34:2-4; w07-T 1/3 paẑina 22 paragrafu 13)
Ke ku David fala pa ngaba Jeova fortalisi si kumpañeris. (Sal 34:5; w07-T 1/3 paẑina 23 paragrafu 15)
Dipus di Davi kaplintidu di Abimeleki, 400 omi ku ka kontentiba ku renansa di rei Saul bai junta ku el na disertu. (1 Sam 22:1, 2) Talves Davi staba na pensa nes jintis oca ki skirbi es salmu. — Kabesaliu di Sal 34.
PUNTA BU KABESA: ‘Kuma ku N pudi ngaba Jeova ora ku N na papia ku un algin na prosimu runion di kongregason?’
2. Diskubri joias spiritual
(10 min.)
Sal 35:19 — Ke ku Davi mistiba fala oca ki pidi pa ka disa si inimigus ‘piskal uju’? (w06-T 15/5 paẑina 20 paragrafu 1)
Kal joias spiritual ku bu diskubri na leitura di Biblia des semana ku bu misti konta?
3. Leitura di Biblia
(4 min.) Sal 34:1-22. (th studu 5)
4. Kumsa kombersa
(2 min.) TUSTUMUÑU INFORMAL. Kombersa kaba antis di bu konsigi da tustumuñu. (lmd lison 1 pontu 4)
5. Revisita
(4 min.) TUSTUMUÑU INFORMAL. (lmd lison 2 pontu 4)
6. Splika kusas ku bu ta fia nel
(5 min.) Dimostrason. Ijwfq-TPO artigu 59 — Tema: Kuma ku Tustumuñas di Jeova ta disidi se dibi di komemora un feriadu o nau? (th studu 17)
Kantiku 59
7. Tris manera di ngaba Jeova na runions
(15 min.) Konsiderason.
Runions di kongregason ta danu un bon oportunidadi di ngaba Jeova. Ali tris manera di fasil.
Kombersas: Fala di bondadi di Jeova ora ku bu na kombersa ku utrus. (Sal 145:1, 7) Sera ki bu obi o bu lei algun kusa ku judau? Sera ki bu tene un bon spiriensia na pregason? Sera ki algin nkoraẑau atraves di si palabras o asons? Bu oja algun kusa ku Jeova kumpu ku dimirau? Es kusas tudu bin di Jeova. (Tiagu 1:17) Ciga runion un bokadu sedu asin bu na pudi tene tempu di papia ku utrus.
Kumentarius: Tenta da pelu menus un kumentariu na kada runion. (Sal 26:12) Bu pudi da resposta diretu di un purgunta, kumenta utru pontu, splika un testu, splika un diseñu o foto, o fasi un aplikason. Suma utru jinti na yalsa tambi mon pa kumenta, purpara manga di kumentarius. Si no kumentarius sedu di 30 sugundu o menus, kila na pirmiti manga di jintis da Deus “sakrifisiu di ngabal”. — Eb 13:15.
Kantikus: Kanta kantikus di Renu ku animu. (Sal 147:1) Talves bu pudi ka comadu na kada runion pa kumenta, spesialmenti si bu sta na un kongregason garandi, ma bu pudi sempri kanta kantikus. Nin si kontra bu pensa kuma bu ka muitu sibi kanta, si bu fasi bu minjor Jeova na kontenti dimas! (2 Kor 8:12) Bu pudi ba ta nsaia kantikus na kasa.
Mostra VIDEO Storia di No Organizason ka ta Para — Musika i un Prenda, Parti 1. Dipus fasi asistensia es purgunta:
Na kumsada di organizason mudernu di Jeova, kuma ku no mostra di kuma ngaba Jeova ku kantikus i kusa importanti?
8. Studu bibliku di kongregason
(30 min.) lff lison 48 pontu 1 te 4.