20-26 DI MAIU
SALMUS 40-41
Kantiku 102 ku orason | Introduson (1 min.)
1. Pabia ku no dibi di juda utrus?
(10 min.)
Juda utrus ta pui pa no sta kontenti. (Sal 41:1; w18.08-TPO paẑina 22 paragrafu 16 te 18)
Jeova ta juda kilis ku ta juda utrus. (Sal 41:2-4; w15-T 15/12 paẑina 24 paragrafu 7)
Ora ku no juda utrus no ta pui pa Jeova ngabadu. (Sal 41:13; Dit 14:31; w17.09-T paẑina 12 paragrafu 17)
PUNTA BU KABESA: ‘Sera ki i ten un algin na ña kongregason ku pirsisa di ajuda pa usa mas diritu aplikativu JW Library?’
2. Diskubri joias spiritual
(10 min.)
Sal 40:5-10 — Basiadu nes versikulus, ke ku no dibi di fasi ora ku no seta Jeova suma algin ku tene diritu di manda? (it-2-T paẑina 49 paragrafu 3)
Kal joias spiritual ku bu diskubri na leitura di Biblia des semana ku bu misti konta?
3. Leitura di Biblia
(4 min.) Sal 40:1-17. (th studu 12)
4. Kumsa kombersa
(3 min.) TUSTUMUÑU INFORMAL. Kumsa kombersa ku un algin ku parsi di kuma i sta kontenti. (lmd lison 2 pontu 3)
5. Kumsa kombersa
(4 min.) TUSTUMUÑU INFORMAL. Kumsa kombersa ku un algin ku parsi di kuma i sta tristi. (lmd lison 3 pontu 5)
6. Fasi disipulus
(5 min.) lff lison 14 pontu 6. Konsidera un pontu di artigu “Louve a Jeová na congregação” na Sentinela di Janeru di 2019, paẑina 8 te 13 ku un studanti ku ka muitu sta avontadi pa da kumentariu na runions. (th studu 19)
Kantiku 138
7. Fasi ben pa omis ku minjeris garandi
(15 min.) Konsiderason.
Jeova ta da balur pa tudu tarbaju ku omis ku minjeris garandi fiel ta fasi na kongregason, no ta fasi mesmu kusa tambi. (Eb 6:10) Duranti anus, e fasi manga di kusas pa nsina, trena i nkoraẑa se ermons ku irmas na fe. Ku sertesa, bu pudi pensa na diferentis manera ke judau. Kuma ku bu pudi mostra di kuma bu da balur pa tudu ke fasi i ku e kontinua na fasi na kongregason?
Mostra VIDEO ‘Fasi Ben pa No Ermons ku Irmas.’ Dipus fasi asistensia es purguntas:
Ke ku Ji-Hoon aprendi di ermon Ho-jin Kang?
Pabia ku bu da balur pa omis ku minjeris garandi di bu kongregason?
Ke ku no aprindi di komparason ku Jesus fasi di Samaritanu?
Pabia ku bu pensa di kuma i bon ideia pa Ji-Hoon kumbida utrus ora ki na juda ermon Ho-jin Kang?
Ora ku no pensa fundu aserka di ke ku omis ku minjeris garandi di no kongregason pirsisa del, no pudi oja manga di manera di juda elis. Ora ku bu oja di kuma e pirsisa di ajuda, jubi ke ku bu pudi fasi pa juda. — Tiagu 2:15, 16.
Lei Gálatas 6:10. Dipus fasi asistensia es purgunta:
Di kal maneras ku bu pudi “fasi ben pa” omis ku minjeris garandi di bu kongregason?