7-13 DI OTUBRU
SALMUS 92-95
Kantiku 84 ku orason | Introduson (1 min.)
1. Sirbi Jeova i minjor manera di vivi!
(10 min.)
Jeova meresi no adorason. (Sal 92:1, 4; w18.04-TPO paẑina 26 paragrafu 5)
I ta juda si povu na toma disisons i pa e sedu filis. (Sal 92:5; w18.11-TPO paẑina 20 paragrafu 8)
I ta da balur pa kilis ku ta sirbil mesmu na se bejisa. (Sal 92:12-15; w20.01-TPO paẑina 19 paragrafu 18)
PUNTA BU KABESA: ‘Ke ku sta na tujin dedika ña vida pa Jeova i batisa?’
2. Diskubri joias spiritual
(10 min.)
Sal 92:5 — Kuma kes palabras mostra diritu jiresa di Jeova? (cl-T paẑina 176 paragrafu 18)
Kal joias spiritual ku bu diskubri na leitura di Biblia des semana ku bu misti konta?
3. Leitura di Biblia
(4 min.) Sal 94:1-23. (th studu 5)
4. Kumsa kombersa
(4 min.) TUSTUMUÑU INFORMAL. Ora ku bu na kombersa ku algin buska oportunidadi di konta si dunu aserka di bu tarbaju suma nsinadur di Biblia. (lmd lison 5 pontu 3)
5. Revisita
(3 min.) TUSTUMUÑU INFORMAL. Fala un algin ku staba interesadu ku ciga di nega studa Biblia pa bo kumsa studa. (lmd lison 8 pontu 4)
6. Fasi disipulus
(5 min.) Kombersa ku un studanti di Biblia ku ka sta na fasi progresu. (lmd lison 12 pontu 5)
Kantiku 5
7. Ora ku jovens sta ku kudadis garandi
(15 min.) Konsiderason.
Kilis ku ta sirbi Jeova ta tene tambi kudadis garandi. Pur isemplu, Davi pasa pa kudadis garandi manga di bias na si vida. Aos tambi, manga di no ermons ku irmas ta pasa mesmu kusa. (Sal 13:2; 139:23) Infilismenti, te mesmu jovens pudi tene kudadis garandi. Utrora, kudadis pudi pui pa kusas ke kustuma fasi, suma bai skola o mati runions di kongregason parsi sedu un kusa ku mas elis. I pudi te mesmu leba algin na tene pantadura garandi sin motivu o pensa mata kabesa.
Joven, kualker mumentu ku bu sinti kuma kudadi mas bo, papia ku bu papes o ku un algin garandi. Ka bu diskisi tambi di pidi ajuda di Jeova. (Fil 4:6) I na judau. (Sal 94:17-19; Isa 41:10) Jubi isemplu di Steing.
Mostra VIDEO Jeova Kuida di Mi. Dipus fasi asistensia es purguntas:
• Kal versikulu di Biblia ku juda Steing, i pabia di ke?
• Kuma ku Jeova kuida del?
Papes, bo pudi juda bo fijus na lida ku kudadis garandi ora ku bo na sukuta elis ku pasensa, ora ku bo na mostra bo amor pa relis, i ora ku bo na juda elis tene konfiansa di kuma Jeova ama elis. (Titu 2:4; Tiagu 1:19) Bo konfia na Jeova pa tene konsolu ku forsa ku bo na pirsisa del pa fortalisi i apoia bo fijus.
No pudi ka sibi mumentu ku algin na kongregason sta na lida ku kudadis garandi o no pudi ka ntindi kuma ki sta na sinti. Mesmu asin, no pudi juda ora ku no na fasi pa tudu jintis na kongregason sinti di kuma e amadu i e tene balur. — Dit 12:25; Eb 10:24.
8. Studu bibliku di kongregason
(30 min.) bt-TPO kapitulu 2 paragrafu 8 te 15.