28 DI OTUBRU–3 DI NOVEMBRU

SALMUS 103-104

Kantiku 30 ku orason | Introduson (1 min.)

RIKESAS DI PALABRA DI DEUS

1. “I ta lembra kuma anos i reia”

(10 min.)

Manera ku Jeova ta sinti pena di jintis, kila ta pul pa i ka nsisti na si ideia. (Sal 103:8; w23.07 paẑina 21 paragrafu 5)

I ka ta disisti di nos ora ku no kumiti erus. (Sal 103:9, 10; w23.09 paẑina 6 ku 7 paragrafu 16 te 18)

I ka ta spera pa no dal mas di ki kil ku no pudi dal. (Sal 103:14; w23.05 paẑina 26 paragrafu 2)

Un omi sta na sukuta si minjer diritu nkuantu kila na kontal si sintimentus.

PUNTA BU KABESA: ‘Sera ki N ta kopia Jeova na ka nsisti na ña ideia na manera ku N ta trata ña omi o ña minjer?’

2. Diskubri joias spiritual

(10 min.)

Sal 104:24 — Ke ku es versikulu ta nsinanu aserka di puder di Jeova di kumpu kusas nobu i diferenti? (cl-T paẑina 55 paragrafu 18)

Bu resposta
Kal joias spiritual ku bu diskubri na leitura di Biblia des semana ku bu misti konta?

Bu resposta

3. Leitura di Biblia

(4 min.) Sal 104:1-24. (th studu 11)

FASI BU MINJOR NA MINISTERIU

4. Kumsa kombersa

(3 min.) TUSTUMUÑU PUBLIKU. (lmd lison 3 pontu 4)

5. Revisita

(4 min.) KASA PA KASA. Papia aserka di video Ben-Vindu pa Bu Studu di Biblia ku un algin ku seta studu di Biblia. (th studu 9)

6. Diskursu

(5 min.) lmd apendisi A pontu 6 — Tema: Omi dibi di “ama si propi minjer suma si kabesa.” (th studu 1)

NO VIDA KRISTON

Kantiku 44

7. Sera ki bu kunsi bu limitasons?

(15 min.) Konsiderason.

Jeova ta kontenti si no dal no minjor, anos tambi no ta kontenti. (Sal 73:28) Ma tenta fasi no minjor sin leba enkonta no limitasons, i pudi pui pa no tene kudadis garandi i fika disanimadu.

Irma joven ku mostradu na video “No Pudi da Mas Sin Iziẑi Ciu Dimas di No Kabesa.”

Mostra VIDEO No Pudi da Mas Sin Iziẑi Ciu Dimas di No Kabesa. Dipus fasi asistensia es purguntas:

Ke ku Jeova ta spera di nos? (Mik 6:8)

Bu resposta

Foto di video “No Pudi da Mas Sin Iziẑi Ciu Dimas di No Kabesa.” Irma joven ku si amiga sta na nkoraẑa un studanti di Biblia na un restauranti.

Ke ku juda no joven irma ka tene kudadi ciu dimas aserka di yangasa si objetivu?

Bu resposta

KUMA KU NO PUDI SIBI KAL KI NO LIMITASONS?

Ka bu kompara bu kabesa ku utrus. (Gal 6:4) Ka bu disa ke ku utrus ta fasi kontrola ke ku bu ta fasi o ku bu pensa bu pudi fasi. Bu pudi fasi mas o menus di ki un lagin ku bu tene mesmu idadi ku el o ku bo tene mesmu situason familiar.
Ka bu disa medu tujiu tenta fasi nobu kusas. (Rom 12:1; 1 Kor 7:31) Ka bu disa medu tujiu tenta kumsa un nobu forma di sirvisu, ku na kumsada i pudi parsi di kuma bu ka na konsigi yangasal o pensa di kuma bu ka na gosta del. — Mal 3:10
Testa bu limiti atraves di fiksa objetivus kurtu. Pur isemplu, sera ki sirvisu di pioneru regular i un kusa ku bu na konsigi fasi? Pabia ku bu ka na tenta pa alguns misis pasa mas tempu na pregason o sirbi suma pioneru ausiliar? Sera ki bu pudi tenta sirbi suma pioneru regular pa un anu? Nin si kontra bu ciga konkluson di kuma bu ka na pudi sirbi suma pioneru regular o bu ka pudi sirbi suma pioneru pa mas di ki un anu, bu na sta sempri kontenti di sibi kuma bu yanga objetivus pikininu ku bu fiksa. — Ekl 6:9
Sta dispostu pa adapta. No situasons ta muda, tambi no limitasons ta muda. Pa kila analisa sempri bu objetivus.

8. Studu bibliku di kongregason

(30 min.) bt-TPO kapitulu 3 paragrafu 4 te 11.