18-24 DI NOVEMBRU

SALMUS 107-108

Kantiku 7 ku orason | Introduson (1 min.)

RIKESAS DI PALABRA DI DEUS

1. Gardisi Jeova, pabia el i bon

(10 min.)

Suma ku Jeova liberta israelitas di Babilonia, asin tambi ki libertanu di mundu di Satanas. (Sal 107:1, 2; Kol 1:13, 14)

Rikuñisi ke ku Jeova fasi pa nos ta motivanu ngabal na kongregason. (Sal 107:31, 32; w07-T 15/4 paẑina 20 paragrafu 2)

No ta aumenta no gardisimentu pa Jeova ora ku pensa na tudu kusas ki fasi pa nos. (Sal 107:43; w15-T 15/1 paẑina 9 paragrafu 4)

Diseñus: Maneras ku no pudi ngaba Jeova. 1. Ermons ku irmas na kanta na un runion di kongregason. 2. Un ermon sta na da kumentariu na un runion. 3. Dus irmas sta na prega di kasa pa kasa.

2. Diskubri joias spiritual

(10 min.)

Sal 108:9 — Pabia ku Moabi komparadu ku “basia di laba” di Deus o “basia di laba”? (it-2-T paẑina 396 paragrafu 3)

Bu resposta
Kal joias spiritual ku bu diskubri na leitura di Biblia des semana ku bu misti konta?

Bu resposta

3. Leitura di Biblia

(4 min.) Sal 107:1-28. (th studu 5)

FASI BU MINJOR NA MINISTERIU

4. Kumsa kombersa

(3 min.) TUSTUMUÑU INFORMAL. (lmd lison 1 pontu 4)

5. Revisita

(4 min.) TUSTUMUÑU INFORMAL. Splika moradur aserka di no programa di studu di Biblia, i dal karton pa studu di Biblia. (lmd lison 9 pontu 3)

6. Diskursu

(5 min.) ijwyp-TPO artigu 90 — Tema: Kuma ku N pudi ivita pensamentus negativu? (th studu 14)

NO VIDA KRISTON

Kantiku 46

7. No ta kanta pa gardisi Jeova

(15 min.) Konsiderason.

Dipus ku Jeova liberta israelitas ku staba ku medi di tropas puderosus di Ejitu na Mar Burmeju, e gardisil ku kantiga aserka di ke ki fasi. (Sai 15:1-19) Omis toma diantera na kanta es nobu kantiga. (Sai 15:21) Jesus ku purmerus kristons ta kantaba tambi pa ngaba Jeova. (Mat 26:30; Kol 3:16) No ta kontinua mostra no gardisimentu pa Jeova ora ku no na kanta na runions di kongregason, asembleias ku kongresus. Pur izemplu kantiku ku no kaba kanta gosi, “Obrigado, Jeová!” ta kantadu na no runions disna di 1966.

Na alguns kultura, omis ta burguñu kanta na metadi di jintis. Utrus talves ta burguñu kanta pabia e ta pensa di kuma e ka tene bon fala pa kanta. Ma, no dibi di lembra di kuma kanta na runions fasi parti di no adorason. Organizason di Jeova ta fasi sforsu garandi pa purpara musikas bunitu i kuji musikas ku na da pa kanta na kada runion. Uniku kusa ku no tene pa fasi, i di kanta juntu pa mostra no amor ku gardisimentu pa no Pape ku sta na seu.

Mostra VIDEO Storia di No Organizason ka ta Para — Musika i un Prenda, Parti 2. Dipus fasi asistensia es purguntas: