19-25 DI MAIU
DITUS 14
Kantiku 89 ku orason | Introduson (1 min.)
1. Ora ki un disastri kontisi pensa diritu na ke ku bu na fasi
(10 min.)
Toma kuidadu pa ka fia na “tudu palabra” ku bu obi. (Dit 14:15; w23.02 paẑina 23 paragrafu 10 te 12)
Ka bu toma disison basiadu na bu sintimentus o na bu spiriensia. (Dit 14:12)
Ka bu sukuta kilis ku nega sigi orientason di organisason di Jeova. (Dit 14:7)
PENSA FUNDU NES: Ansions, sera ki bo sta purparadu pa sigi orientasons i konfia na Jeova ora ki kontisi un disastri? — w24.07 paẑina 5 paragrafu 11.
2. Diskubri joias spiritual
(10 min.)
Dit 14:10 — Kal lison ku no pudi aprindi des versikulu? (w06-T 15/9 paẑina 19 paragrafu 7)
Kal joias spiritual ku bu diskubri na leitura di Biblia des semana ku bu misti konta?
3. Leitura di Biblia
(4 min.) Dit 14:1-21 (th studu 11)
4. Kumsa kombersa
(3 min.) TUSTUMUÑU PUBLIKU. Papia di un asuntu bibliku ku un algin ku sta preokupadu ku koitadesa. (lmd lison 3 pontu 3)
5. Revisita
(4 min.) KASA PA KASA. Oferesi un revista ku na fala di asuntu ku moradur mostraba interese nel. (lmd lison 9 pontu 4)
6. Fasi disipulus
(5 min.) Nsentiva bu studanti pa i ba ta lei Biblia kada dia, i mostral kuma ki pudi konsigi fasi kila. (th studu 19)
Kantiku 126
7. Sta sempri purparadu pa disastri
(15 min.) Konsiderason.
I na fasidu pa un ansion. Si kontra i ten, papia di lembrentis ku bin di filial ku korpu di ansions.
Nkuantu no na pertusi di fin des mundu, no pudi spera kuma difikuldadis mas na aumenta. (2 Tim 3:1; nota di studu na Mat 24:8, nwtsty-TPO) Ora ki ten disastri, manga di bias povu di Jeova ta risibi na tempu sertu orientason ku pudi salva se vida. Asin, no salvason na dipindi di no obdisi i purpara desdi gosi, tantu na sintidu spiritual suma na sintidu fisiku. — Dit 14:6, 8.
Purparason spiritual: Tene un bon programa di leitura di Biblia ku studu pesual. Minjoria bu manera di prega na diferenti forma di pregason. Ka bu panta si duranti un tempu bu sta lunju di utrus ermons di kongregason. (Dit 14:30) Nunka bu ka na sta lunju di Jeova Deus ku Jesus Kristu. — od-TPO paẑina 176 paragrafu 15 te 17.
Purparason fisiku: Alen di pastas di imerẑensia, kada familia dibi di tene un reserva rasuavel di kusas di kume, yagu, mensiñu ku utrus kusas suma esis si kontra i bin pirsis fika na kasa pa manga di tempu. — Dit 22:3; g17.5-T paẑina 4.
Mostra VIDEO Kuma ku Bu Pudi Purpara pa Disastri? Dipus fasi asistensia es purguntas:
Kuma ku Jeova ta judanu ora ki kontisi un disastri?
Kal kusas pratiku ku no pudi fasi pa purpara?
Kuma ku no pudi juda kilis ku sufri disastri?