16-22 DI JUÑU
DITUS 18
Kantiku 90 ku orason | Introduson (1 min.)
1. Papia di un manera ku na anima kilis ku tene purblema di saudi
(10 min.)
Disa pa jiresa di Deus judau sibi ke ku bu na fala. (Dit 18:4; w22.10 paẑina 22 paragrafu 17)
Tenta ntindi ke ku ki algin sta na pasa. (Dit 18:13; mrt-TPO artigu 19 ku kuadru)
Sedu un amigu pasenseru ku ta juda. (Dit 18:24; wp23.1-TPO paẑina 14 paragrafu 3 te paẑina 15 paragrafu 1)
PUNTA BU KABESA: ‘Ke ku N pudi fasi pa juda ña parseru si i tene purblema di saudi fisiku o mental?’
2. Diskubri joias spiritual
(10 min.)
Dit 18:18 — Na tempus bibliku jintis ta jugaba sorti. Ke ku manda kila ta fasiduba? (it 2-T paẑina 1057 ku 1058)
Kal joias spiritual ku bu diskubri na leitura di Biblia des semana ku bu misti konta?
3. Leitura di Biblia
(4 min.) Dit 18:1-17 (th studu 11)
4. Kumsa kombersa
(1 min.) KASA PA KASA. Moradur ta papia utru lingua. (lmd lison 2 pontu 5)
5. Revisita
(3 min.) TUSTUMUÑU PUBLIKU. Moradur falau pa bu ka tarda na papia. (lmd lison 7 pontu 4)
6. Revisita
(3 min.) TUSTUMUÑU INFORMAL. Nsina moradur un bardadi importanti aserka di Renu di Deus. (lmd lison 9 pontu 5)
7. Splika kusas ku bu ta fia nel.
(4 min.) Dimostrason. lff lison 30 pontu 2 ku 3 — Tema: Ke ku manda bo ta fala kuma jintis ku muri na bin lantandadu? (lmd lison 5 pontu 5)
Kantiku 144
8. “Sin palabra” juda kilis ku bu ama pa e pertusi di Jeova
(15 min.) Konsiderason.
Maioria di nos kunsi un algin ku ka sta inda na sirbi Jeova, i pudi sedu no parseru, no fiju o no amigu intimu ku disa di sirbi Jeova. Sera ki bu nota kuma utrora bu ta misti forsijal o sedu duru ku el, pa pudi konvensil pa i sirbi Jeova? Apesar di kuma no tene bon intenson, no palabras pudi piora situason. (Dit 12:18) Kal ki minjor manera di juda elis?
Purmeru di Pedru 3:1 splika di kuma un omi ku ka ta sirbi Jeova pudi “ngañadu sin palabra”. Omi di un irma pudi nega papia di asuntus bibliku ku el, mesmu asin, irma pudi judal kunsi Jeova. Kusas ki aprindi na Biblia judal aẑi ku amor, ku bondadi i ku jiresa. I ora ki na mostra es maneras di sedu, kila pudi leba si omi na muda. (Dit 16:23) No komportamentu ku no bon palabra pudi juda kilis ku no ama ku ka sta inda na sirbi Jeova. — Kol 4:6.
Mostra VIDEO Kilis ku Sai Ben na Luta pa Fe — Kilis ku se Parseru i ka Tustumuña di Jeova. Dipus fasi asistensia es purguntas:
Ke ku bu aprindi di spiriensia di irma Sasaki?
Ke ku bu aprindi di spiriensia di irma Ito?
Ke ku bu aprindi di spiriensia di irma Okada?