22-28 DI SETEMBRU

EKLESIASTIS 1-2

Kantiku 103 ku orason | Introduson (1 min.)

RIKESAS DI PALABRA DI DEUS

1. Kontinua trena nobu ẑerason

(10 min.)

[Mostra VIDEO Informason di livru di Eklesiastis.]

No pirsisa di trena jovens. (Ekl 1:4; w17.01-T paẑina 27 ku 28 paragrafu 3 ku 4)

Ora ku no trena utrus i no da elis tarbaju pa fasi na sirvisu di Jeova, no ta juda elis tene kontentamentu di tarbaja duru pa Jeova. (Ekl 2:24)

Un joven ansion sta na diriẑi studu di “Sintinela”, nkuantu utru ansion ku mas el tene idadi, ku disignadu pa fasi leitura, sta na jubil ku kontentamentu. — Ka bu disa di trena utrus pabia di medu di kuma e na bin ba ta fasi tarbaju ku bu gosta del.

2. Diskubri joias spiritual

(10 min.)

Ekl 2:1, 2 — Pabia ki faladu di kuma ri i “tulesa”? (w06-T 1/11 paẑina 13 paragrafu 6)

Bu resposta
Kal joias spiritual ku bu diskubri na leitura di Biblia des semana ku bu misti konta?

Bu resposta

3. Leitura di Biblia

(4 min.) Ekl 1:1-18. (th studu 11)

FASI BU MINJOR NA MINISTERIU

4. Kumsa kombersa

(2 min.) TUSTUMUÑU INFORMAL. Buska sibi kal asuntu ku na nteresa ki algin. Kombina kel kuma ku bu pudi bin ojal mas. (lmd lison 3 pontu 5)

5. Kumsa kombersa

(2 min.) TUSTUMUÑU PUBLIKU. Papia di un di “Bardadis ku no gosta di nsina”, bu pudi usa un di purguntas ku sta na apendisi A di broŝura Amor Na Judau. (lmd lison 2 pontu 3)

6. Revisita

(2 min.) TUSTUMUÑU INFORMAL. Ruspundi purgunta ku si dunu fasiuba ultimu bias ku bo papia. (lmd lison 9 pontu 5)

7. Fasi disipulus

(5 min.) TUSTUMUÑU PUBLIKU. Mostra kuma ku un studu di Biblia ta fasidu, kombina kel pa utru bias ku bo na bin studa. (lmd lison 10 pontu 3)

NO VIDA KRISTON

Kantiku 84

8. Tris lison importanti aserka di da trenamentu

(15 min.) Konsiderason.

Fotos: Ermons sta na trena utrus na diferenti situasons. 1. Un ermon sta na trena un irma pa usa sera eletriku na un projetu di konstruson teokratiku. 2. Un ermon di mas idadi sta na jubi un ermon joven ku sta na nsaia si diskursu na un Salon di Renu vaziu. Ki ermon di mas idadi pega broŝura “Pega tesu na lei ku nsina.” 3. Un ermon sta na nsina un ermon adolesenti kuma di troka pilia di mikru. 4. Un pape ku si dus fiju macu sta na juda na limpesa di Salon di Renu. Pape ku fiju mas garandi sta na usa aspirador pa limpa con nkuantu ku fiju mas pikininu pega panu i na limpa tribuna. — Amor na motivanu trena utrus pa kumpri tarbaju ku Jeova danu pa fasi.

Biblia tene manga di bon isemplus di kuma ku no pudi trena utrus. No pudi aprindi ciu di manera ku Samuel trena Saul, kuma ku Elias trena Eliseu, kuma ku Jesus trena si disipulus, i kuma ku Paulu trena Timótiu. Sin duvida Jeova i minjor algin ku ta trena utrus. Ke ku no pudi aprindi di si isemplu?

Mostra VIDEO Kopia Jeova ora ku bu na trena utrus (Jon 5:20) — So un parti. Dipus fasi asistensia es purgunta:

Kal tris lison ku no pudi aprindi aserka di manera ku Jeova ta trena utrus?

Bu resposta

9. Studu bibliku di kongregason

(30 min.) bt-TPO kapitulu 17 paragrafu 13 te 19.