Usa speliu diritu

Disipulu Tiagu kompara Biblia suma un speliu ku ta pirmitinu jubi no kabesa diritu. (Tiagu 1:​22-25) Kuma ku no pudi usa Biblia diritu suma un speliu?

Leil ku atenson. Si no jubi no kabesa rapidu na speliu, no pudi ka nota di algun kusa ku ka sta diritu na nos. Di mesmu manera, si no lei Biblia di manera rapidu, no ka na nota di kusas ku no pirsisa di muda na no vida. Pa pudi nota des kusas no pirsisa di lei Biblia ku atenson.

Konsentra mas na jubi bu kabesa di ki jubi utrus. Utrora ora ku no na jubi no kabesa na speliu no pudi oja utrus tambi na speliu, i no pudi konsentra na jubi algun kusa ku ka sta diritu na se aparensia. Di mesmu manera, ora ku no na lei Biblia no pudi sta na pensa na kusas ku utrus pirsisa di minjoria. Ma es ka na judanu oja kusas ku anos propi no pirsisa di minjoria.

Sedu ekilibradu. Ora ku no na jubi speliu i no konsentra so na kusas ku ka sta diritu na nos, kila pudi disanimanu. No pirsisa di sedu ekilibradu ora ku no na lei Biblia, pa ka spera mas di no kabesa di ki kil ku Jeova ta spera di nos. — Sal 103:14.