Jesus aprindi “obdisi”

Jesus sempri obdisi Jeova. (Jon 8:29) Ke ku manda gora, Biblia fala di kuma: ‘I aprindi obdisi pabia di si sufrimentu’? — Eb 5:8.

Nkuantu i staba na Tera, Jesus pasa pa situasons ku ka tenba na seu. Pur isemplu, si papes amaba Jeova ma e seduba imperfeitu. (Luk 2:51) I sufri mau tratu na mon di ŝefis riliẑiosu kuruptu ku guvernantis injustu. (Mat 26:59; Mar 15:15) Mesmu asin, “i baŝa si kabesa; i yanda sempri na obdiensia te mortu,” un mortu difisil dimas. — Fil 2:8.

Es situasons nsina Jesus obdisi di un manera ku nunka i ciga di aprindiba ocal na seu. E ku manda i pudi sedu un bon Rei i Ŝef di Saserdoti, pabia i pudi ntindinu diritu. (Eb 4:15; 5:9) Jesus pasa tene inda mas balur pa Jeova, dipus ki aprindi obdisi pabia di si sufrimentu. Anos tambi, no pudi pasa tene mas balur pa Jeova i sedu mas util na kualker disignason ki danu, ora ki no kontinua obdisil na kualker situasons difisil ku no pudi tene. — Tiagu 1:4.