Jeova danu un Salbadur

29 Purmeru algin spiritual ki Deus kumpu i seduba parel suma si purmeru fiju.

Deus gosta ciu del i na pul pa i kaba ku maus i salba kilis ku ta obi.—Jon 3:16, 36.

30 Jeova manda si fiju pa i padidu na tera. I risibi nomi di Jesus. Si mame ta comadu Maria.—Lukas 1:30-35.

31 Oca ku Jesus torna garandi, i ta sinaba jinti manga di bon kusas. I ta sinaba kuma son Jeova ki Deus di bardadi.—Markus 12:29, 30.

Jesus fala kuma no dibi di adora son Jeova.—Mateus 4:10; Jon 4:23, 24.

I ta sinaba tambi jinti aserka di Renu di Jeova.—Lukas 17:20, 21.

32 Jesus kuraba duentis i fasiba manga di bon kusas. I ka fasi nada di mal.—Atus 10:38; 1 Pedru 2:21, 22.

Ma kuma ki pudiba salbanu di pekadu ku mortu?

33 El i tenba di pati Deus un sakrifisu pa salba bon jinti. Antigamenti, Deus falaba pa jintis sakrifika limarias pa se pekadu.—Ebreus 7:25, 27.

34 Jesus ka sakrifika limarias. I nterga si propi kabesa suma sakrifisu pa nos.—Mateus 20:28; Ebreus 10:12.

Bu sibi pabia di ke?