Ke ku bu dibi di fasi?
50 Bu misti vivi pa tudu tempu nes paraisu bunitu?
Anton, sina mas aserka di ke ku Deus fala. Tenta sina lei Biblia.—Jon 17:3; Apokalipsi 1:3.
51 Sina mas aserka di Jesus.—Deuteronomiu 18:18, 19; Jon 3:16; Atus 3:19-23.
52 Tenta fasi son bon kusas i obi Jeova.—Romanus 6:17, 18, 22.
53 Lembra Jeova fala kuma no ka dibi di mata jinti.—Esudu 20:13; 1 Jon 3:11, 12.
54 No ka dibi di lambu kil ki di utrus.—Esudu 20:15; Efesius 4:28.
55 Omi ka dibi di vivi i dita ku un minjer ki ka di sil.—Esudu 20:14, 17; 1 Tesalonisensis 4:3.
56 Bu lembra di kantu minjeris ku Deus disaba pa omi tene? Kantu tempu ku omi dibi di fika ku si minjer?—Jenesis 2:22, 24; Mateus 19:5, 6; 1 Korintius 7:2, 10, 11.
57 Lembra tan kuma son Jeova ki no dibi di adora.—Mateus 4:10; 1 Korintius 8:6.
58 Idulus ku imajens ka pudi judanu. Pabia di ke?—1 Korintius 8:4.
I bon tene idulus?—Deuteronomiu 27:15; 1 Jon 5:21.
59 Ke ku manda i ka bon fasi futisaria o usa guarda?—Deuteronomiu 18:10-13; Apokalipsi 21:8.
60 Anjus mau o dimonius rabida kontra Deus. E ta usa jambakos ku muru pa ngana pekaduris.—Atus 16:16.
61 No ten di ora Deus. Orason sinifika papia ku Deus, falal di ki no misti sirbil i pidil ajuda.—Filipensis 4:6, 7.
62 No ten di obi Jesus i tene fe nel.—Ebreus 5:9; Jon 3:16.
63 Lembra kuma el i muri pa salbanu.—Romanus 5:8.
64 Lembra kuma Jesus i no Rei ku ka ta ojadu. No dibi di obil.—Filipensis 2:9-11; Apokalipsi 19:16.
65 Jesus fala kuma bu dibi di papia ku utrus aserka di bon kusas ku bu na sina i di ki kilis ku misti sirbi Deus e dibi di batisadu.—Mateus 28:19, 20; Jon 4:7-15.
66 Pa kila, bu pudi papia ku bu amigus aserka des bon kusas.—Mateus 10:32.
67 Si bu sina lei diritu, bu pudi sibi manga di utrus kusas i juda utrus minjor.—2 Timotiu 2:15.
68 Jesus sinaba tambi mininus pa e obi Deus. El nunka i ka staba ukupadu dimas pa papia kelis.—Mateus 19:13-15.
69 Papes ku mames dibi di sina sempri se fijus pa e obi Deus i gosta del.—Deuteronomiu 6:6, 7; Proverbius 6:20-22; Efesius 6:4.
70 I ten manga di igrejas diferenti. Manga di se nsinus ka bin di Biblia. Jeova falanu pa no disa relijons ku ka ta sina bardadi.—Apokalipsi 18:4; Jon 4:23, 24.
71 Jeova tene na tera jinti ku pudi sinau mas aserka del. Bu sibi i ba kin?—Atus 15:14; Romanus 10:14, 15.
72 I Tustumuñas di Jeova. E tene pas na se metadi. Bu sibi pabia di ke? Pabia kada un delis gosta di si kumpañer.—Isaias 43:10-12; Jon 13:34, 35.
73 Tambi, suma ke gosta di Jeova, e batisadu. I asin ke ta mostra dianti di jinti di ki e disa mau mañas i misti gasta se vida na sirbis di Deus.—Atus 2:41.
74 Tustumuñas di Jeova na pera vivi na nobu i bunitu paraisu.—Salmu 37:9-11, 29.
Ke ku bu pudi fasi pa vivi tambi la juntu kelis?—Tiagu 1:22, 25; 2:20-26.
75 Junta kelis pa sina sirbi Jeova. Elis e gosta i e ta obi Jeova ku Jesus Kristu. Bu gosta di Deus ku Jesus? Bu misti juda utrus kunsi Deus?—Jon 6:45-47.
76 Jeova ku Kristu Jesus gosta di bo i e misti pa bu vivi pa tudu tempu na paraisu.—Jon 3:16.
Kusas ku bu sina ku studu di diseñus i di nformasons des libru sin falta i dau disiju di vivi pa tudu tempu na tera. Si bu misti sibi mas des speransa, no ta rekomenda pa bu papia ku un Tustumuña di Jeova di bu bairu. O bu pudi skirbi, o pidi algin skirbi, pa sedi di Tustumuñas di Jeova mas pertu di kau ku bu mora, kunformi ki mostradu na lista di nderesus na sugundu pajina des libru.