Kuma ku no pudi sukuta Deus?

Deus ta papia ku nos atraves di Biblia. 2 Timótiu 3:16

Deus di bardadi fasi omis skirbi si pensamentus na un livru sagradu. Kil livru ta comadu Biblia. I tene nformason importanti ki Deus misti pa bu kunsi.

Deus sibi ke ki i minjor pa nos. El i uniku ki pudi danu jiresa di bardadi. Si bu sukutal bu na torna jiru. — Ditus 1:5.

Deus misti pa kada kin na tera lei Biblia. Aos, Biblia ten na manga di linguas.

Si bu misti sukuta Deus, bu dibi di lei i ntindi Biblia.

Jintis na tudu parti sta na sukuta Deus. Mateus 28:19

Tustumuñas di Jeova pudi judau na ntindi Biblia.

Na tudu tera, e ta sina jintis bardadi aserka di Deus.

Bu ka na paga nada pa es nsinamentu. Bu pudi tambi aprindi aserka di Deus na kau ke ta junta nel, comadu Salon di Renu di Tustumuñas di Jeova.