Diluviu garandi — Ba kin ku sukutaba? Ba kin ku ka sukutaba?

Na tempu di Noe maioria di jintis ta fasiba ke ki mau. Kumsada 6:5

Adon ku Eva padi fijus, i jintis bin ciu na tera. Ku tempu, alguns anjus bin junta ku Satanas na rebelion.

E bin pa tera e bida suma pekaduris pa pudi kasa minjeris. Minjeris bin padi fijus ku torna jigantis violentus i fortis.

Mundu bin inci di jintis ku ta fasiba mau kusas. Biblia fala: “Maldadi di omis na buriba na tera. Tudu se manera di pensa na se korson i seduba son mau.”

Noe sukutaba Deus i kumpu un arka. Kumsada 6:13, 14, 18, 19, 22

Noe seduba un bon omi. Jeova falal ki i na bin kaba ki jintis mau na un diluviu garandi.

Deus falaba Noe tambi pa i kumpu barku garandi, comadu arka, i pa i pui dentru del si familia ku tudu koldadi di limarias.

Noe avisa jintis aserka di Diluviu ki na bin, ma e ka sukuta. Alguns ta gozaba Noe; i utrus odialba.

Oca arka kaba, Noe leba limarias pa dentru di arka.