PARTI 9

Kal tempu ki tera na torna un paraisu?

Purblemas na tera ta mostra kuma Renu di Deus pertu bin. Lukas 21:10, 11; 2 Timótiu 3:1-5

Purblemas ku mas ciu na ultimus dias — jugu di diñeru, gera, duensas, falta di kusas di kume, disobdisi pape ku mame, violensia domestiku

Biblia falaba ja di manga di kusas ki sta na kontisi aos. I falaba ki jintis na ama diñeru, e ka na obdisi se pape ku se mame, e na sedu violentus, i e na ama sabura des mundu.

I na ten tirmiduras garandi di con, geras, falta di kusas di kume i duensas na laga. Es kusas sta na kontisi aos.

Un Tustumuña di Jeova na prega bon noba di Renu pa un omi

Tambi Jesus falaba ki bon nobas di Renu na kontadu na tudu tera. — Mateus 24:14.

Renu di Deus na bin kaba ku tudu malvadesa. 2 Pedru 3:13

Jintis mau na kabadu kel na armajedon, Satanas ku si dimonius na kastigadu

Nin i ka na tarda Jeova na bin kaba ku tudu maus.

Satanas ku dimonius na bin kastigadu.

Jesus sinta na si tronu na seu i jintis di manga di rasa kontenti

Kilis ku sukuta Deus na bin salba i vivi na un novu mundu justu, nunde ki i ka na bin ten mas medu, un mundu nunde ki jintis na bin konfia na n̈utru i ama n̈utru.