Kuma ku bu ta nkara futuru?

KE KI BIBLIA FALA

“Deus . . . na limpa tudu larma na se uju. Mortu ka na ten mas, nin tristesa, nin cur, nin dur, pabia purmeru kusas pasa ja.” — Apokalipsi 21:3, 4, Bíblia no Crioulo da Guiné-Bissau.

KUMA KES PUDI BENEFISIAU

Bon tarbaju. — Isaias 65:21-23.

Duensas o tudu koldadi di sufrimentu ka na ten mas. — Isaias 25:8; 33:24.

Vida filis, sin fin juntu ku familia i ku amigus. — Salmu 37:11, 29.

NO PUDI NA BARDADI FIA NA KE KI BIBLIA FALA?

Sin, pelu menus pa dus rason:

• Deus tene kapasidadi di kumpri promesa. Na Biblia, so Jeova Deus ku comadu di kin “ku ten tudu puder,” pabia si puder ka tene limiti. (Apokalipsi 15:3) Asin i tene tudu puder di kumpri si promesa di muda no mundu pa minjor. Suma ku Biblia fala, “Deus pudi fasi tudu kusa.” — Mateus 19:26.

• Deus tene diseẑu di kumpri promesa. Pur izemplu, Jeova tene “diseẑu” di da vida pa kilis ku muri. — Jo 14:14, 15.

  Biblia tambi mostra kuma Fiju di Deus, Jesus, kuraba duentis. Ke ku manda i fasiba kila? Pabia i mistiba fasil. (Markus 1:40, 41) Suma si Pape, Jesus teneba diseẑu di juda kilis ku pirsisa di ajuda. — Jon 14:9.

  Pa kila, no pudi sta sertu kuma, Jeova ku Jesus misti judanu tene un futuru filis! — Salmu 72:12-14; 145:16; 2 Pedru 3:9.