I fasi si pape ku Jeova kontenti

Bu oja bajuda na foto? — El i Fiju femia di un omi comadu Jefte. Biblia ka kontanu si nomi, ma no sibi kuma i fasi si pape ku Jeova kontenti. Gosi no na aprindi aserka del, i di si pape, Jefte.

Jefte seduba un bon omi, i ta gastaba manga di tempu na sina si fiju aserka di Jeova. I seduba tambi un omi forti i un bon ŝefi. Israelitas pidil pa i diriẑi elis na gera kontra se inimigus.

Jefte ora pa Deus judal pa i ngaña. Jefte purmiti kuma si ngaña, i na da Jeova purmeru algin ku sai di si kasa ora ki na riba. E algin na tarbaja restu di si vida na tenda di Deus i mora pertu del. Tenda di Deus seduba un kau nunde ki jintis ta adora Deus na tempu antigu! Jefte ngaña gera! Bu sibi kin ku sai fora purmeru oca i na riba pa si kasa? —

Fiju femia di Jefte! I seduba uniku fiju, gosi Jefte ten di mandal. Es kusa fasil fika tristi dimas. Ma lembra, i fasiba un promesa. Si fiju falal: ‘Papa, bu fasiba un promesa pa Jeova, bu dibi di kumpril.’

Fiju di Jefte staba tambi tristi. Na tenda, i ka na kasa nin tene fiju. Ma i mistiba kumpri promesa di si pape i fasi Jeova kontenti. Kila seduba mas importanti pa rel di ki kasa o tene fiju. I disa kasa i bai tarbaja na tenda pa restu di si vida.

Bu pensa kuma ke ki fasi pui pa si pape ku Jeova kontenti? — Sin, i pui! Si bu sedu obdienti i bu gosta di Jeova, bu pudi sedu suma fiju femia di Jefte. Tambi bu na bin fasi bu pape ku Jeova kontenti dimas.