STUDU 18

Disignason instrutivu pa asistensia

1 Koríntius 9:19-23

RUSUMU: Fasi pa kilis ku na sukutau pensa, i pa e sinti kuma e aprindi un kusa di balur.

Avalia ke ku kilis ku na sukutau sibiba ja. En ves di ripiti so ke ke obiba ja, juda elis oja asuntu ku utru uju.

Ora ku bu na papia di asuntus ku kunsidu, bai mas rapidu, ma bai lentu ora ku na papia di kusas nobu.
Fasi piskisa i medita. Ora ki pusivel, nklui informason ku ka muitu kunsidu o notisias pa ilustra ideias ŝavi. Pensa diritu na materia i na relason entri materia ku informason ku bu misti da.

Ora ku bu na izamina materia, pa stimula bu pensamentu, fasi bu kabesa es purguntas ‘ke, pabia, kal tempu, nunde, kin i kuma’. Da vida pa bu nsinu atraves di fasi i ruspundi alguns des purguntas duranti bu disignason.
Mostra balur di bu mensaẑen. Splika kuma ku pontus di Biblia pudi juda kilis ku na sukutau na se vida di kada dia. Papia di situasons, atitudis ku asons ku ta aplika pa kilis ku na sukutau.