Sera Ki bu Fe na Promesas di Jeova i Forti?

Josué ku Salomon konfirma kuma, nin un palabra ku Jeova purmiti ka maina. (Jos 23:14; 1 Re 8:56) Relatu di es dus tustumuñas fiel ta fortalisi basi di no fe. — 2 Kor 13:1; Titu 1:2.

Kuma ku Jeova kumpri si promesas na tempu di Josué? Jubi video ‘Não falhou nem uma única palavra’ juntu ku bu familia. Dipus konsidera es purguntas: (1) Kuma ku bu pudi imita manera ku Raabi aẑi ku fe? (Eb 11:31; Tiagu 2:24-26) (2) Kuma ku izemplu di Akan mostra kuma disobdisi ku diskarna ta tisi konsekuensias gravi? (3) Apesar di omis di Jibeon seduba bon na gera, ke ku manda e ngana Josué i e fasi pas ku Israel? (4) Kuma ku palabra di Jeova kumpri oca ku sinku reis Amoreus ameasa israelitas? (Jos 10:5-14) (5) Kuma ku Jeova na judau si bu pui Renu di Deus ku si justisa na purmeru lugar na bu vida? — Mat 6:33.

Nkuantu no na pensa na tudu kusas ku Jeova fasi ja, na kil ki sta na fasi, i na kil ki na bin fasi, no fe na si promesas na sedu mas forti. — Rom 8:31, 32.