Trena Elis pa e Kontinua Sirbi Jeova

Spiriensia mostra kuma nobu publikaduris ku dadu trenamentu desdi kumsada pa e sedu regular i zelosu na pregason manga di bias e ta bin sedu bon publikaduris. (Dit 22:6; Fil 3:16) Ali alguns suẑestons aserka di kuma ku bu pudi juda un studanti pa i tene un bon basi pa ministeriu.

• Logu ku bu studanti aprovadu suma publikadur, kumsa trenal. (km 8/15 1) Mostral importansia di fasi pa pregason sedu parti di si rotina di kada semana. (Fil 1:10) Sedu pusitivu ora ku bu na papia di tiritoriu. (Fil 4:8) Nsentival pa i sai pregason ku superintendenti di grupu i ku utru publikaduris asin i na pudi benefisia di se spiriensia. — Dit 1:5; km 10/12 6 § 3.3

  

• Dipus di bu studanti batiza, ka bu para nkoraẑal i dal trenamentu na ministeriu, inda si kontra i ka kaba livru “Amor Di Deus” — km 12/13 7.

  

• Usa un apresentason simplis, ora ku bu na prega ku un nobu publikadur. Dipus di bu obi si apresentason, eloẑial. Dal suẑestons ku na judal sedu mas efikas. — km 5/10 7.