Vivi pa Lova Jeova!

Vida i un prenda di balur. Manera ku no ta usa es prenda kada dia ta mostra te kal pontu ku no apresial. Suma Tustumuñas di Jeova, no ta sforsa usa no talentus ku no abilidadis pa ngaba i glorifika Jeova kil ku danu vida. (Sal 36:9; Apok 4:11) Ma ansiedadis di kada dia nes mundu mau pudi lebanu na pui objetivus spiritual na sugundu lugar. (Mar 4:18, 19) I bon pa kada un di nos punta si kabesa: ‘Sera ki na bardadi N ta da Jeova ña minjor? (Ose 14:2) Kuma ku ña tarbaju o ña karera ta afeta ña sirvisu pa Jeova? Kal ki ña objetivus spiritual? Kuma ku N pudi omenta ña ministeriu?’ Si bu nota kuma bu pirsisa di minjoria, ora Jeova pa i judau i fasi ajustis ki pirsis. Sin duvida, lova Jeova kada dia ta tisi filisidadi na vida! — Sal 61:8.

JUBI VIDEO USE O SEU TALENTO PRA JEOVÁ, I DIPUS RUSPUNDI ES PURGUNTAS:

• Pabia ki tulesa usa bu talentus na mundu di Satanas? (1 Jon 2:17)

• Kal bensons ku kilis ku da Jeova se minjor na tene?

• Na kal forma di sirvisu sagradu ku bu pudi usa bu talentus ku bu abilidadis?