No minjoria no abilidadi na pregason — Fasi revisitas

PABIA KI IMPORTANTI: Manga di jintis ku mostra interesi pa mensaẑen di Renu sta na buska bardadi aserka di Deus. (Isa 55:6) Pa pudi sina elis puku-puku, no dibi di riba manga di bias. Jintis ta pasa pa manga di purblemas, asin manera di disenvolvi se interesi na sedu diferenti. Ma, no pudi konsigi minjor rusultadu si no purpara ben i no tene un objetivu na kada visita, objetivu prinsipal i di kumsa un studu bibliku.

KUMA KU NO PUDI FASIL:

• Sforsa pa riba mas rapidu, i pudi sedu dentru di puku dias. — Mat 13:19

• Sedu amigavel i mostra rispitu. Sta avontadi.

• Kumsa ku fala manteña di forma amigavel. Comal pa si nomi. Lembrantal pabia ku bu riba — talves pa ruspundi si purgunta, pa lebal revista resenti, pa mostral no site, pa mostra un video, o pa mostral kuma ku un studu di Biblia ta fasidu. Adapta bu kombersa si kontra i mostra interesi na utru asuntu. — Fil 2:4

• Regua simintera di bardadi ku sumiadu na si korson atraves di mostral un pensamentu bibliku o talves disal un publikason. (1 Kor 3:6) Tenta disenvolvi amizadi kel.

• Disa un asuntu pa prosimu visita.