NO VIDA KRISTON
Pa Fasi Disipulus i Importanti Prega ku Sina
Jesus manda si sigiduris pa e bai i pa e fasi disipulus. (Mat 28:19) Es ta involvi prega ku sina. No bata dati no punta no kabesa, ‘Kuma ku N pudi minjoria nes aspetus importanti di tarbaju di fasi disipulus?’
PREGA
En ves di pera pa jintis bin pa nos, no dibi di buska di manera ativu “algin di fiansa”. (Mat 10:11) Ora ku no sta na pregason, sera ki no ta sta atentu pa kria oportunidadi di papia ku jintis ‘ku sta la’? (At 17:17) Lidia torna disipulu pabia apostulu Paulu ta pregaba diritu. — At 16:13-15.
“Sumia bu simentera parmaña; di tardi ka bu diskansa bu mon”. (Ekl 11:6)
JUBI VIDEO KONTINUA PREGA SIN ‘KANSA’ — DI MANERA INFORMAL I DI KASA PA KASA, I DIPUS RUSPUNDI ES PURGUNTAS:
Na si rotina di kada dia, kuma ku Samuel mostra kuma i ta buska sumia simentera di bardadi di manera ativu?
Pabia ku no dibi di persevera na tudu tipu di pregason?
Na bu rotina di kada dia, kin ku bu pudi transmiti mensaẑen di Renu?
SINA
Pa fasi disipulus, i ka so disa jintis leitura. Pa juda elis fasi progresu spiritual, no pirsisa di fasi revisitas i diriẑi studus bibliku. (1 Kor 3:6-9) Ma ke gora, nin si no tarbaja diritu pa sina algin bardadi di Renu, ma no tene puku resultadu? (Mat 13:19-22) No dibi di kontinua buska kilis ku tene korson suma un “bon terenu”. — Mat 13:23; At 13:48.
“Ami N paranta, Apolu regua, ma i Deus ku fasil kirsi”. (1 Kor 3:6)
JUBI VIDEO KONTINUA PREGA SIN ‘KANSA’ — NA KAUS PUBLIKU I FASI DISIPULUS, I DIPUS RUSPUNDI ES PURGUNTAS:
Kuma ku Salomon ku Maria regua simentera di bardadi na korson di Ezekiel ku Abigail?
Kal ki dibi di sedu no objetivu na tudu aspetu di pregason nkluidu tustumuñu na kaus publiku?
Kuma ku no pudi da mas distaki pa nsina utrus bardadi?