Ke ki pirsis pa sedu ña sigidur?

9:62

Pa kumpu reguas ku fila, un labradur ka ta distrai ku kusas ku sta si tras. Di mesmu manera, un kriston ka ta pirmiti pa kusas di mundu ki disa pa tras distrail. — Fil 3:13.

Ora ku no na pasa difikuldadis, i fasil tene diseẑu forti di kusas ku no disa pa tras, talves antis di no kunsi bardadi. Ora ki sedu sin, sempri no ta pasanta na pontus pusitivus, i no ta minimiza purblemas di pasadu. I kila ku israelitas fasiba dipus ke sai di Ejitu. (Num 11:5, 6) Si no disa es tipu di pensamentu na no menti, no pudi bin sedu tentadu pa riba pa vida ku no teneba. I minjor pensa na bensons ku no tene aos, i konsentra na bensons futuru ku Renu na bin tisi! — 2 Kor 4:16-18.