No minjoria no abilidadi na pregason — Kumsa un kombersa ku pudi leba na un tustumuñu

Jesus konsigi da tustumuñu informal pa un minjer samaritanu pabia i kumsa kombersa kel. Kuma ku no pudi minjoria no abilidadi di kumsa kombersa ku kilis ku bu ka kunsi?

• Sedu amigavel i papia ku jintis. Embora i kansaba, Jesus kumsa kombersa atraves di pidi yagu di bibi. Nton, pa kumsa bu pudi fala manteña di manera kalorosu i dipus papia di klima, o ke ku sta na pasa. Lembra kuma, purmeru objetivu i so kumsa un kombersa, nton papia di kualker asuntu ku pudi nteresa ki algin. Si ka reaẑi, i ka nada. Tenta mas ku utru algin. Pidi Jeova pa i dau koraẑen. — Ne 2:4; At 4:29.

• Buska opurtunidadi di introduzi bon noba, ma ka bu ten dipresa. Disa pa kombersa bai normal. Si bu forsa kusas, ki algin pudi ka sta avontadi i para kombersa. Ka bu fika disapontadu si kombersa kaba antis di bu da tustumuñu. Si pa bo i difisil introduzi bon noba na kombersa, pratika manera di kumsa kombersas sin tene objetivu di da tustumuñu. [Mostra video 1 i dipus papia del.]

• Tenta buska un opurtunidadi pa da tustumuñu atraves di papia di korson aserka di bu fe, ku pudi leba kin ki na obiu pidi splikason. Jesus papia di asuntus ku lantanda kuriosidadi di minjer, i kila pincal na fasi purguntas. Oca ki na introduzi bon noba, i staba na ruspundi so si purguntas. [Mostra video 2 i dipus papia del, tambi mostra video 3 i dipus papia del.]