Kuma ku bu na purpara pa Memorial?

Apartir di es anu, no na tene mas tempu di purpara pa Komemorason di mortu di Kristu. Ora ku Memorial kai na un dia di semana, Runion No Vida Kriston ku No Ministeriu ka na ten ki semana. Ora ku Memorial kai fin de semana, diskursu publiku ku studu di A Sentinela ka na ten. Sera ki bu na usa ben es tempu na bu programa? Suma na purmeru sekulu, i ta fasidu aranjus pratiku pa es okasion spesial. (Luk 22:7-13; km-T 3/15 1) Ma anos tudu no dibi di purpara no korson. Kuma ku no pudi fasil?

• Pensa na importansia di mati es iventu. — 1 Kor 11:23-26.

• Izamina ku orason bu relason pesual ku Jeova. — 1 Kor 11:27-29; 2 Kor 13:5.

• Lei i medita na artigus basiadu na Biblia ku ta fala di Memorial. — Jon 3:16; 15:13.

Alguns publikaduris ta lei i medita na leitura di Biblia pa Memorial ku sta na Examine as Escrituras Diariamente. Utrus ta lei versikulus di Biblia ku sta nes tabela. Utrus tambi ta rekapitula artigus di A Sentinela ku ta papia di Memorial i di amor ku Jeova ku Jesus mostra pa nos. Kualker projetu di studu ku bu kuji, pa i pertusiu mas di Jeova ku si Fiju.