No Minjoria No Abilidadi Na Pregason — Sedu adaptavel

PABIA KI IMPORTANTI: Unjidus ku utrus karnelis kumbida tudu tipu di jintis pa e “toma, sin paga nada, yagu ku ta da vida.” (Apok 22:17) Es yagu simboliku ta representa tudu provisons ku Jeova fasi pa liberta umanus obdienti di pekadu ku mortu. Pa pudi juda jintis ku tene diferentis kustumis ku krensas riliẑiosu, no pirsisa di konta elis “Bon Noba ku ka ta kaba” di manera ki na sedu atraenti pa kada un delis. — Apok 14:6.

KUMA KU NO PUDI FASIL:

• Kuji un asuntu ku testu ku na toka korson di jintis na bu tiritoriu. Bu pudi kuji un mudelu pa kombersa o un apresentason ku bu usaba ja ku da bon rusultadu. Kal asuntus o testus ku jintis gosta del? I ten notisias resenti ku jintis na pensa nel? Ke ku pudi nteresa un omi o un minjer?

• Na bu kombersa nklui manera di fala manteña ku kustumis di jintis na bu zona. — 2 Kor 6:3, 4.

• Kunsi diritu publikasons ku videos di no kaŝa di feramenta pa nsina pa mostra un algin ku sta interesadu.

• Baŝa kusas na lingua di jintis ku bu pudi kontra kel na bu tiritoriu.

• Adapta asuntu di akordu ku nesesidadi di morador. (1 Kor 9:19-23) Pur izemplu, ke ku bu na falaba si bu diskubri kuma, i ka tarda ku morador pirdi algin na mortu?

JUBI VIDEO, I DIPUS RUSPUNDI ES PURGUNTAS:

• Kal asuntu ku publikadur usa pa kumsa papia ku morador?

• Ke ku staba na akontisi na vida di morador?

• Kal testu ku na seduba minjor nes situason, i pabia di ke?

• Kuma ku bu ta adapta bu apresentason pa i sedu atraenti pa jintis na bu tiritoriu?