No Minjoria No Abilidadi Na Pregason — Prega segus

PABIA KI IMPORTANTI: Manga di segus ka ta sinti avontadi pa papia ku strañus. Asin i pirsis jitu pa prega elis. Jeova ta mostra amor pa segus. (Sir 19:14) No pudi kopia si izemplu atraves di toma inisiativa pa juda segus spiritualmenti.

KUMA KU NO PUDI FASIL:

• “Buska” segus. (Mat 10:11) Sera ki bu kunsi un algin ku tene familia segu? Sera ki na bu tiritoriu i ten skolas, o kaus pa segus ku na pirsisa di publikasons pa segus?

• Mostra interesi. Sedu amigavel i mostra interesi di bardadi na pui pa segus sta avontadi. Tenta kumsa kombersa ku un asuntu ku na nteresa jintis na bu zona.

• Da ajuda spiritual. Pa juda jintis ku tene purblema di vista, organizason pruduzi publikasons na manga di formatus. Punta nteresadu kal formatu ki pirfiri. Superintendenti di sirvisu dibi di konfirma kuma servu di publikasons prenŝi pididu pa publikasons na formatu ku segus misti.